Tipos de bacterias implicadas nas infeccións: Enterobacteriaceae

As enterobacteriáceas son unha familia de bacterias Gram negativas que conteñen máis de 30 xéneros e máis de 100 especies que poden ter morfoloxía de bacilos ou de cocos. Os membros desta familia forman oarte da microbiota do intestino( chamados coliformes) e de outros órganos do ser humano e doutras especies animais. Algunhas especies poden vivir en terra, en plantas ou en animais acuáticos. Sucumben con relativa facilidade a desinfectantes comúns, incluíndo nestes o cloro. Con frecuencia atópanse especies de Enterobacteriaceae na bio-industria, para os procesos de fermentación do queixo e productos lácteos, alcois, tratamentos médicos, producción de toxinas no uso de cosméticos, fabricación de axentes antivirais da industria farmacéutica, etc.
A presencia de Enterobacteriaceae no organismo é normal e determina a aparición de infeccións, cuxa gravidade depende do punto de entrada. Introducidas polos alimentos, provocan problemas intestinais ao adherirse e atravesar a barreira da mucosa gastrointestinal, manifestada por diarreas e deshidratación. Certas especies provocan patoloxías específicas como por exemplo:

• A especie Salmonella typhi é a responsable da Febre tifoidea.
• A especie Shigella dysenteriae é o axente responsable da disentería bacilar.
• A especie Escherichia Coli enterotóxica é responsable da gastroenterite infantil.
• A especie Yersinis pestis é a responsable da peste.
• A especie Serratia marcescens é normalmente responsable de infeccións nosocomiais como resultado do tratamento nun hospital.

As Enterobacteriaceae inclúen a organismos que resultan patóxenos para o ser humano como por exemplo a Escherichia Coli ou a Salmonella, que son especialmente importantes na mortalidade infantil en países en desenvolvemento e patóxenos para as prantas como Erwinia, na maior parte dos casos causando infección oportunistas. Todos os bacilos deste tipo de bacterias son resistentes a antimicrobiáns comúns, tales como a penicilina, a meticilina, e a clindamicina, entre outros.