Superficies de cobre en hospitais para previr as infeccións nosocomiais

Hoxe en día, son moitos os investigadores que intentan buscar novas maneiras de prevención da transmisión de patóxenos típicamente hospitalarios, como poden ser o Staphilococcus aureus ou Escherichia coli.

Un estudo recente demostra que o cobre elimina este tipo de patóxenos das superficies.

Especúlase que se as superficies de moitos obxectos hospitalarios tales como os pomos das portas, as barras das camas, etc. estivesen feitos de aleacións de cobre se preverían sobre o 80% das infeccións hospitalarias.

Tan só en Reino Unido, 300.000 persoas ao ano sofren unha infección deste tipo, levando a 5.000 á morte.

No caso de España a situación repítese, tendo en conta que a poboación española supón 2/3 da británica.

Tamén é importante resaltar que a resistencia aos antimicrobianos e a súa propagación mundial poñen en perigo a eficacia dun importante número de medicamentos que se empregan nos tratamentos das enfermidades infecciosas.