Escherichia Coli O157:H7

A Escherichia Coli O157:H7 é unha dos centos de cepas de Escherichia Coli  que foi recoñecida como causa de enfermidade en 1982 durante un brote de diarrea aguda con sangue en EE.UU. Determinouse que o brote debíase a hamburguesas contaminadas; dende entón, a maioría das infeccións proveñen de comer carne de vacuno insuficientemente cociñada.
En 1996, cerca de Seatlle tivo lugar un brote a causa desta bacteria, que se atopou en botellas de zumo de mazá da marca Odwalla Inc. Moitas persoas, entre elas bebés e nenos, morreron tras tomar este zumo. A bacteria entrou nas botellas porque as mazás que se exprimiron contiñan excrementos de venados da zona e non houbo ningún tipo de pasteurización.
Esta diferénciase das outras Escherichia Coli en que non fermenta o sorbitol, non crece a 44ºC e non  produce beta-glicoronidasa. A combinación de letras e números no nome da bacteria refírese aos marcadores antixénicos específicos que se atopan na súa superficie e que a distinguen doutros tipos de E. Coli :

• O antíxeno somático O, que provén do lipopolisacárido da parede celular.
• O antíxeno flaxelar H, formado por 75 polisacáridos.

O grupo de risco comprende a todas as persoas, inmunocompetentes ou non. Os nenos menores de 5 anos de idade con problemas de alimentación, así como os anciáns son os máis susceptibles de sufrir complicacións graves. As persoas infectadas por esta bacteria con moi contaxiosas.